ASDECOMOR ANIMA AS ENTIDADES DA COMARCA DE ORDES A INTEGRARSE NO GDR E A PARTICIPAR NA ELABORACIÓN E XESTIÓN DA ESTRATEXIA DE DESENVOLVEMENTO LOCAL

ASDECOMOR considera de vital importancia que os axentes socioeconómicos se impliquen no desenvolvemento do territorio, polo que anima a todas as entidades do mesmo a adherirse ao Grupo de Desenvolvemento Rural e a participar na elaboración e xestión da Estratexia de Desenvolvemento Local Participativa da Comarca de Ordes.

A tal efecto, lémbrase que na Asociación de Desenvolvemento Comarca de Ordes rexe o “principio de portas abertas”, que garante a incorporación permanente de asociados e potencia o equilibrio territorial mediante a representación que aportan os socios.