Respirando Natureza
A Bisbarra de Ordes encravada entre A Coruña e Santiago de Compostela destaca pola súa innegable beleza paisaxística e o seu innumerable patrimonio natural, arquitectónico e cultural herdado das máis variadas culturas (megalítica, castreña, romana, etc.). O seu territorio é en si mesmo un museo vivo onde os recursos naturais se mesturan cos patrimoniais e culturais, facendo da bisbarra un lugar especial, tanto como lugar de residencia habitual como lugar de visita.
O modo de vida dos seus habitantes, os seus costumes e tradicións, a súa gastronomía e folclore e a confluencia das distintas manifestacións culturais fan que a Bisbarra teña un sinal de identidade propia e sexa un lugar de obrigada visita.
