Estratexia de desenvolvemento local

A característica mais significativa desta Comarca é a súa ruralidade territorial e social, polo que o desenvolvemento rural cobra unha importancia específica para facer fronte os desequilibrios internos pola concentración do crecemento en áreas metropolitanas e o abandono, que sofre o resto do territorio. A loita contra a perda continua da poboación nos Concellos rurais, e a necesidade de recuperar actividades de altos valores naturais e culturais asociados, debe definir o eixo da estratexia. Para elo deben combinarse varios elementos que repercutan no crecemento económico e benestar social baseándonos na posta en valor dos recursos endóxenos preservándoos a longo prazo

Trátase de Implantar unha estratexia participada por parte da poboación que sitúe a nosa comarca como territorio para vivir, traballar e que:

• Aposte polo mantemento e calidade de vida dos seus pobos e habitantes, reducindo o déficit de oportunidades das zonas rurais cos respecto do mundo urbano, atendendo á poboación máis desfavorecida ou en risco de exclusión e pola gobernanza.

• Procure o dinamismo empresarial e a xeración de oportunidades de emprego, sustentado na multifuncionalidade económica coa consolidación de sectores tradicionais e a aposta por actividades que diversifiquen á economía rural

• Posibilite o  mantemento, conservación e recuperación do patrimonio cultural, histórico, arquitectónico e medioambiental, a súa valoración e aproveitamento sostible.

• Teña como retos transversais, a innovación, o medio ambiente, o cambio climático e a igualdade de oportunidades

A Estratexia de Desenvolvemento Local deste territorio afronta os seguintes retos prioritarios:

• Creación de emprego, atendendo as necesidades dos sectores tradicionais agrícola, gandeiro e forestal, así como o apoio a PEMES noutras actividades para diversificar a economía rural, facilitando á formación, a innovación e aos emprendedores.

• Utilización eficiente dos recursos naturais e o mantemento, conservación e recuperación,  do patrimonio cultural, histórico, arquitectónico e medioambiental e a súa valorización.

• Mellora dos servizos públicos e da calidade de vida, que axude a diminuír o déficit de oportunidades respecto do medio urbano , con especial atención á poboación desfavorecida ou en risco de exclusión.

OBXECTIVOS

Delimítanse un obxectivo xeral para este territorio “Conectar, visibilizar e impulsar iniciativas de reequilibrio e rexeneración do territorio, que conflúan nunha estratexia acorde aos retos comunitarios presentes e futuros e que permita un desenvolvemento territorial integrando as políticas da UE nas zonas rurais”, 4 obxectivos específicos e 30 obxectivos operativos

 Hai que ter en conta que non todos os obxectivos poderanse alcanzar plenamente coas limitacións (normativas, financeiras, etc.) que ten o Eixo Leader como ferramenta para afrontar as necesidades do medio rural.   Se parte da premisa de que este programa (e por tanto a EDLP) é un instrumento que se suma a outros recursos e ferramentas doutros ámbitos nunha estratexia integrada que tamén contribuirán á consecución dos obxectivos expostos.

Obxectivos  específicos

1. Gobernanza. Garantir a transparencia e a eficiencia na xestión

2. Social e comunitario. Mellora a calidade de vida e os servizos da comunidade

3. Dinamización e Diversificación económica. Impulsar a actividade produtiva e xerar novas dinámicas económicas

4. Patrimonio natural, arquitectónico e cultural. Posta en valor dos recursos propios

LIÑAS DE ACTUACIÓN

Partindo do diagnóstico estratéxico da zona, e da análise de necesidades de obxectivos a conquerir, definimos os eixes estratéxicos vertebradores nos que se apoiará o proceso de desenvolvemento da Comarca, que podemos resumir  nas seguintes liñas de actuación:

1. Aumento da competitividade e/ou diversificación do sector agroalimentario e forestal

2. Apoio á creación e consolidación do emprego, especialmente autónomos, pequenas empresas e empresas de economía social

3. Apoio ao sector turístico e ao canal HORECA

4. Aumento da competividade do sector terciario (comercio e servizos)

5. Accións dirixidas á garantir servizos suficientes e de calidade para a poboación da Comarca de Ordes

6. Inclusión social, conciliación e relación interxeneracionais

7. Conservación, recuperación e mellora dos valores culturais e patrimoniais do territorio

8. Recuperación e posta en valor do entorno natural

9. Medidas para minorar os impactos ambientales e climáticos. Economía circular, eficiencia enerxética e enerxías renovables

10. Formación e dixitalización

11. Gobernanza multinivel

ACCIÓNS ESPECÍFICAS

As liñas estratéxicas concrétanse nas seguintes accións máis específicas:

1. Investimentos en explotacións agrícolas, gandeiras e forestais

2. Investimentos en transformación e comercialización de produtos agrarios e forestais

3. Creación e desenvolvemento de empresas industriais

4. Investimentos no sector turístico

5. Apoio ao comercio e servizos

6. Bono activa rural

7. Conservación e mellora do patrimonio natural

8. Infraestruturas, equipamentos e servizos para a calidade de vida

9. Investimentos en conservación, recuperación e mellora do patrimonio cultural, arquitectónico, ...

Descargas

• Proposta de Estratexia Local Participativa
• Obxectivos
• Plan de Acción 2023-2027
• Baremo e normas de xestión
• Orzamento aprobado