"O CAMIÑO QUE NOS UNE” Continúan as andainas nos Concellos de Cerceda, Frades e Mesia.

O PASADO FIN DE SEMANA O PROXECTO “O CAMIÑO QUE NOS UNE” CONTINUOU COAS ANDAINAS NOS CONCELLOS DE CERCEDA, FRADES E MESÍA

O venres 15 visitamos as Brañas de Valga en Mesía, onde puidemos asistir a unha visita guiada ao Centro de Interpretación das Brañas da Valga, para posteriormente gozar dunha andaina polo súa preciosa contorna e dunha degustación de produtos locais. Rematamos a xornada deleitándonos coa música de suaves compases de Emilio Rúa.

O sábado 16 de outubro, comezamos a xornada as 11:00 da mañá na parroquia de Galegos no Concello de Frades, onde nos enchemos de natureza percorrendo a fraga do Petón e o paso do Outeiro e rematamos visitando o Pazo de Galegos. Continuamos pola tarde no Concello de Cerceda, paseando ao carón do rio Cabancos e chegando a través da Via Verde ata ao albergue municipal de Queixas.

Ambas andainas remataron coa actuación do grupo “Laroá” que interpretou as cancións do seu último disco.