Este fin de semana comenzaron as actividades no marco do proxecto “O CAMIÑO QUE NOS UNE”

A primeira delas celebrouse no Concello de Ordes o venres 1 de outubro, na que 25 persoas percorreron o tramo do Camiño Inglés que une Buscás con Poulo, facendo parada nas igrexas de S. Paio de Buscás e S. Paio de Poulo e no albergue de peregrinos (antiga reitoral) de Poulo.

O sábado 2 de outubro, tivo lugar a segunda das andainas no Concello de Tordoia, saíndo da piscina municipal e rematando na Acea de Estevo, despois de visitar o dolmen de Pontepedra e a área recreativa de Pedra Longa.

Ambas andainas remataron coa actuación do grupo folk “Ailá” que deleitou aos asistentes cun variado repertorio de música galega.